Dominiu d’Hades 2.0

Coses qué facer enantes qu’una tesina

Coses de la física I.

Güei fáe 100 años qu’en Tunguska (Siberia), según dicin, cayeron los árboles y la xente, 400 kilómetros más lloñe de la esplosión termonuclear, cayía al suelu.

Baxo época zarista nun s’investigó l’asuntu. Güei, 100 años dempués, conócese qu’una espedición explorará la zona pa determinar por qué 2150 kilómetros cuadráos quedaron devastáos y cómo, durante unos díes, podía lleese ensin llume pela nueche n’Europa y Rusia.

Más información na Wikipedia.

(Ya m’apetecía un post sobre coses de física que, comu munchos sabréis ye una afición oculta y, de xemes en cuandu, dedícome a lleer llibros sobre estos temes. Anque sigo col miéu a los aguxeros prietos…)

Advertisements

Xunu 30, 2008 Posted by | General | 1 Comentariu

Por qué nun soi capitalista III.

A ónde vamos llegar con tipos comu esti y espresiones comu estes…

“(…) En nuestra sociedad de consumo cada uno de nosotros, además de ser productores y consumidores, somos “producto”, como bien nos alerta el sociólogo Zigmunt Bauman. Un producto que, como cualquier otro necesita de los elementos, funciones y hasta del packaging adecuado para que los demás nos compren: para un trabajo, para una oferta, para que el banco nos quiera, para que los clientes nos escojan como proveedor, para que los proveedores nos escojan como clientes (también el producto de la ciudad y la política, ciudadanos, pero eso es otra historia).
En esa tesitura, creo firmemente que tenemos que intentar no ser una “marca blanca” y que estar, por supuesto, en la cabecera del lineal… La tarea es un gran reto, difícil, pero nos tendremos que hacer las preguntas de cualquier product manager y especialmente una: ¿cómo diferenciar mi producto? Porque verá, el conocimiento es ya casi un commodity (…)”

(Félix Losada, “No marcas blancas” columna “Miradas Pensantes” del suplementu de infoempleo.com n’El Comercio, 29 de xunu de 2008 )

Con pensamientos d’estos, asina llúcenos el pelu…

Xunu 29, 2008 Posted by | General | 1 Comentariu

¡Stop al apartheid llingüísticu!

Zarro pola Oficialidá esti blogue, el blogue en castellán y elfotologue.

Hai que facer daqué o vamos morrer atropelláos…

Xunu 27, 2008 Posted by | General | Leave a comment

Por qué nun soi capitalista II.

Estractu’l llibru “Memories d’un nenu llabriegu” de Xosé Neira VIlas. N’asturianu, anque l’orixinal yera en galego (Editorial Trabe, 1996).

“Na víspora diérame’l mio pá una somanta por entafarrá-y la cara con sarriu al nenu del señor. Un rapaz mui llimpín que cueme pan de trigu, bebe lleche con café y nun tien que se llevantar ceo pa llevar el ganáu a pacer. Mio pá nun quixo saber lo que Manolito me fexera enantes a min. “Ye’l nenu del señor y basta”. Pero por más que lo seya paezme que nun tien drechu a dame colos sos zapatinos nuevos nes canielles, nin cuspime, nin dicir que, si ellos quieren, nós tenemos que dexar la casa y les tierres.”

Xunu 24, 2008 Posted by | General | Leave a comment

Por qué nun soi capitalista I.

Nun soi capitalista, comu pueden ver. Cuandu lleo llibros comu “La doctrina del shock” revuélveseme l’estómagu y teo que dir lleendo de xemes en cuandu pa poder asimilálo. Un llibru mui recomendable.

Pasó en Sudáfrica cuandu l’ANC llogró el poder y los economistes de Chicago engañifáronlos e emponeron les sus condiciones. Esti ye un estractu del llibru “La doctrina del shock. El auge del capitalismo del desastre” de l’economista canadiense Naomi Klein.

“¿Que quieren repartir tierres? Imposible. Nel últimu momentu, los negociadores accedieron a añadir una cláusula a la nuéa constitución que protexe tola propiedá privada y fáe práuticamente inviable cualaquier intentu de reforma agraria que pase pola repartición de los terrenos de cotivu y pastoriu. ¿Que quieren crear emplegos pa millones de trabayaores en paru? Nun pueden. Centenares de fábriques taben a puntu de zarrar porque l’ANC había suscrito’l GATT, l’amañu precursor de l’Organización Mundial de Comercio, qu’illegalizaba los susidios a les plantes de produción de automóviles y a les industries textiles. ¿Que quieren llograr medicamentos de baldre escontra’l sida pa los townships, onde esta enfermedá tá espardiéndose a una velocidá apavoriadora? Non, pues eso vulnera un compromisu de rispetu de los drechos de la propiedá intellectual contenío nel acuerdu constitutivu de la OMC, na que l’ANC introduxo al país ensin mediar debate públicu dalgunu, simplemente comu continuación ñatural del GATT. ¿Que necesiten dineru pa construir más viviendes (y más grandes) pala población probe y pa llevar elleutricidá de baldre a los townships? Sentímoslo. El presupuestu tá siendo consumíu cásique dafechu pol pagu d’una enorme deuda transmitida, como nun quier la cosa, pol gobiernu de l‘apartheid. ¿Que quieren emitir más moneda? Vayan a dicíselo al xefe del bancu central, que ye el mesmu que había na era de l’apartheid. ¿Agua de baldre pa tol mundu? Duldámoslo muncho. El Banco Mundial y l’ampliu continxente d’economistes, investigaores y formadores qu’aquél tien operativu nel propiu país (una especie de autonomáu “bancu de conocimientos”) tán faciendo de les sociedáes priváes la norma nel seutor servicios. ¿Que quieren emponer controles a la circulación de divises pa protexer al país d’una especulación salvaxe? Eso vulneraría l’acuerdu de 850 millones de dólares firmáu col FMI (¡cómo non!) xusto enantes de les eleuciones. ¿Aumentar el salariu mínimu pa reducir el diferencial de rentes heriedáu de l’apartheid? Non. L’acuerdu col FMI comprométenos a afalar la <<contención salarial>>. Y nin se vos ocurra ignorar estes obligaciones: cualaquier modificación sedrá considerá una amuesa de nula fiabilidá, de falta compromisu cola <<reforma>>, d’ausencia d’un <<sistema reglamentáu>>. Too eso provocará, a la su vegada, fiendes monetaries, recortes de les ayudes y fuxida de capitales. La conclusión principal yera que Sudáfrica yera llibre, pero, al mesmu tiempu, cautiva: ca úna d’aquelles misterioses sigles y acrónimos representaba ún más de los filos de la rede qu’amaniaba al nuéu gobiernu.”

Xunu 23, 2008 Posted by | General | 2 Comentarios

Necrolóxica

Ente esto y’l mí fotologue, paéz que llevo la cuenta de tola xente que muerre nel mundu. Pero ye que Cyd Charisse merecíase una mención especial. Sobre too por Brigadoon y Cantando bajo la lluvia.

Vánse tolos bonos…

Xunu 21, 2008 Posted by | General | Leave a comment

Si ya lo sabía yo…

Ye que siempre pásame lo mesmo. Siempre.

Así me lluz el pelu por ser tan faltosa.

Pasáilo bien en Caravia los que vayáis. Que equí, una, quédase ensin ir, pa variar.

Xunu 21, 2008 Posted by | General | Leave a comment

La edad del Óxido

Ya tá abiertu’l blogue de la Antoloxía de Xóvenes escritores asturianos que espublizará la editorial Laria, 2008. Ehí, ente un grupu de seleutos mangantes, comu diz Alba González, taré yo.

Y ésti ye’l nuesu blogue. Tómate un minutu y entérate de lo que se mueve na lliteratura asturiana. Jé.

Xunu 16, 2008 Posted by | General | Leave a comment

¡¡¡Hasta Laponia!!!

Por si nun lo sabíeis y comu pué lleése nesti blogue:

Dixebra, seleccionada pa participar nel Liet-Lavlut

Dixebra, el grupu con más pegada nel panorama del rock and roll asturianu, ta acabante ser seleccionáu pa participar nel prestixosu Liet-Lavtut, un festival de la canción llingües minoritaries entamáu pola Liet Foundation que se va celebrar en en Luleå (Laponia sueco) el 18 d’ochobre y que cuenta col apoyu de dellos organismos públicos de calter internacional como’l Conseyu d’Europa.

La edición d’esti añu, a la que van asistir los componentes de Dixebra, va ser en Luleå, un llugar de la Laponia sueco. La organización del festival cuerre a cargu de Sweblul, asociación que representa a les cinco minoríes llingüístiques sueques, col patrimoniu de mui bien delles entidaes públiques del país escandinavu y del departamentu suecu del Buró Européu de les Llingües Minoritaries. La selección de los participantes faila un comité especializáu y el ganador final escuéyelu un xuráu formáu por representantes de distintes llingües minoritaries, existiendo tamién un premiu otorgáu por votación popular.

Como datu de la repercusión mediática hai que dicir que l’añu pasáu la Gala Final foi retresmitida por mui bien delles televisiones autonómiques (Escocia, Euskadi, Frisia, Cataluña…), asina como la divulgación de la canción ganadora (y por extensión del fechu llingüísticu de la so zona orixinaria) ente les diverses comunidaes llingüístiques europees.

Wow… Habrá que tar atentos agora que morrió el Chiki Chiki….

¡¡¡Dixebra for president!!!

Ains…

Xunu 5, 2008 Posted by | General | Leave a comment

Nel día del Mediu Ambiente

El primer oso polar que llega nadando a Islandia en 15 años… es abatido a tiros

El primer oso polar que llega a las costas Islandesas en los últimos 15 años fue abatido a tiros por la Policía pese a las protestas de varios grupos ecologistas que reclamaban su traslado a una reserva.

Leer más.

Xunu 5, 2008 Posted by | General | 1 Comentariu

« Más Vieyo