Santa Bárbara

Rézoi a Santa Bárbara toles nueches.

El carbón

xúbeme peles venes

apartando la sangre d’esti cuerpu,

d’esti país.

Too ta a puntu de tornáse escuro.

Comu la mina. Como’l mio güelu y’l tuyu,

xubiendo peles entrañes de la tierra,

d’esti país.

Nun queden pozos enllenos de sudu.

Nun queden güeles que lloren,

naguando

que tornen a casa,

n’esti país.

Ca día que pasa

ye

más difícil

topar una imaxe de Santa Bárbara

pa rezái.