Porru

Que nun ye’l porru’l almuerzu, nin el que xintes en Nuechevieya. Non, ye qu el porru que va medrando llentamenti dientro d’ún cuandu, día tres día, pásan-y coses que nin el FBI creyeríase anque Mulder fora el xefe supremu. I want to believe.

Ye la segunda vegada qu’una empresa llámame pa facéme una entrevista trabayu por un curru al que supónse que yo habíame apuntáo por Internet. Y ye la segunda vegada que, tres engañáme y dicíme que sedría p’azafata de promoción de productos en supermercáos, cuélenmela tan doblá comu la cola d’ún gochu de los que préstame xintar en Noreña.

Empresa piramidal. “Vas ganar 500 euros a la selmana. Pero si nun consigues clientes p’Ibertrola, nun cobres ná” y ameto, anque pases ocho hores faciendo’l gansu peles cáis. “Serás el tú propiu xefe dientru poco” Como si la mí esperiencia cola “autonomía” nun fuera ya abondo terrible. A cuntar cuentos a San Pedro (papa dende’l 33 al 69) o a Calleja pa que amplíe la só coleución. Y a los demás, por favor, nun vos dexéis timar d’esa manera, home… Que yo sigo nel paru y admito suxerencies. Y por ciertu, ¡¡¡¡Viva Hidrocantábricu!!!!