¡¡¡Stop Especulación!!!
Marqués de Casa Valdés, 2 y 4.
Esti edificiu taba catalogáu fáe dalgunos años comu de proteución integral, esto ye, que nun pué derribáse nin camudar la sú estructura. Estes proteuciones dánse a edificios singulares poles sús característiques arquitectóniques ya históriques.
Bono, esta selmana, dempués de ver comu tapiáben les sós ventanes (ya aún hai xente viviendo nel portal 2), busqué pela red el documentu col gradu de proteución pa facer un escritu al ayuntamientu y ¡¡¡sorpresa!!! (la cosa na tú camiseta!) nun existiera tal documentu per nenguna parte.
Ensin pensálo muncho, busqué nel google los datos del edificiu y apaecióme: Asturcasa, una empresa de Tinéu que quier derribar l’interior de la casa dexando la fachada, pa facer, de les 8 cases que había, (ATENCIÓN, WARNING, ACHTUNG) ¡¡¡¡40!!!! apartamentos. Claro, de 50 metros cuadráos.
Comu historiadora ya arqueóloga, pienso que esto ye una aberración. Si defiéndese’l conxuntu hestóricu deben respetáse los espacios onde la xente vivía. Porque, que yo sepia, la xente de principios del XX nun yeren Spiderman nin vivíen pegáos con ventoses a la fachada. Non, vivíen dientru. La fachada nun ye más qu’un cúmulu de lladriellos ya azulexos más o menos guapos ensin más hestoria qu’esa.
Creé un grupu en Facebook pa salvar l’edificiu:
http://www.facebook.com/group.php?gid=8160643903&ref=mf
Ya podéis quexáros a la alcaldesa de Xixón n’esti enllaz:
https://acerca.gijon.es/public/e-Participa/sol/sol2/sol.aspx?TypeId=38226&AppScope=CIUDADANO
¡¡¡Nun dexemos que destruyan el nuesu patrimoniu!!!
